#Ep.071
आजको भागमा, पि. ई. आई. का जनक पोख्रेल, पत्रकार रमेश कुमार न्यौपानेसँग नेपाली समाजमा न कानुनले न त आम जनमानसले नै बढी ध्यान दिएको बिषय, 'स्वार्थको द्वन्द्व' बारे संवादमा बस्दैछन् | वहाँहरू न्यौपानेको गत साउन २१ गते, हिमाल खबर पत्रिकामा प्रकाशित “एकै घरानाको सर्वत्र लगानी, जताततै स्वार्थको द्वन्द्व” नामक खोजमुलक लेखमा आधारित भई, स्वार्थको द्वन्द्वको अवधारणा र यो कसरी भ्रष्टाचारसँग सम्बन्धित छ भनेर बैंक तथा वित्तीय संस्था, बीमा लगायतका सार्वजनिक कम्पनी, साथै विभिन्न सरकारी संयन्त्रको उदाहरण लिएर विश्लेषण गर्नुहुँदैछ।
रमेश कुमार न्यौपाने, पेशाले एउटा पत्रकार हुनुहुन्छ। उहाँले त्रिभुवन विश्वविद्यालयबाट पत्रकारिता तथा आमसञ्चार र चीनको शाङहाईस्थित थोङ्ची विश्वविद्यालयबाट दिगो विकास विषयमा स्नातकोत्तर गर्नुभएको छ| पत्रकारिता पेशामा उहाँ पछिल्लो १४ वर्षदेखि संलग्न हुनुहुन्छ र उहाँ अहिले हिमाल खबर पत्रिकासँग आवद्ध हुनुहुन्छ।
हामी आशा गर्दछौँ तपाईंलाई आजको संवाद फलदायी लाग्नेछ !